Related Posts
Category : National
પતિ કુરકુરે ન લાવતા પત્નિએ છુટાછેટા માટે કરી જીદ ,જાણો સમગ્ર મામલો
ઉત્તર પ્રદેશના આગ્રાની એક મહિલાએ માત્ર 5 રૂપિયાની કિંમતના કુરકુરેના પેકેટને લઈને તેના પતિ પાસેથી છૂટાછેડાની માંગ કરી છે. મહિલાનું નામ જાહેર કરવામાં આવ્યું નથી, પરંતુ અહેવાલો અનુસાર, તેણીને દરરોજ 5 રૂપિયાની કિંમતનું કુરકુરેનું પેકેટ લાવવાની આદત હતી. હિન્દુસ્તાન ટાઈમ્સના અહેવાલ મુજબ, મહિલાને દરરોજ આ નાસ્તો ખાવાની આદત પડી ગઈ હતી, જેના કારણે તે દરરોજ તેના પતિ સાથે ઝઘડા કરવા લાગી હતી. જ્યારે એક દિવસ પતિ તે ક્રિપ્સ લાવવાનું ભૂલી ગયો ત્યારે સ્થિતિ વધુ ખરાબ થઈ. આ પછી બંને વચ્ચે ઉગ્ર બોલાચાલી થઈ હતી. રોજીંદી દિનચર્યા પૂરી ન કરવાને કારણે નારાજ આ મહિલા તેના માતા-પિતાના ઘરે ગઈ હતી.
બાદમાં તેણે પતિથી છૂટાછેડા માટે પોલીસમાં અરજી પણ કરી હતી. રિપોર્ટ અનુસાર, ગયા વર્ષે લગ્ન કરનાર આ કપલને આગરાની શાહગંજ પોલીસે ફેમિલી કાઉન્સેલિંગ માટે મોકલ્યા હતા. પતિએ પોતાના નિવેદનમાં જણાવ્યું કે તે તેની પત્નીની કુરકુરે ખાવાની આદતથી નારાજ હતો, આ જ તેમની વચ્ચે ઝઘડાનું કારણ બની ગયું હતું. બીજી તરફ, રિપોર્ટમાં એમ પણ કહેવામાં આવ્યું છે કે પત્નીનો આરોપ છે કે પતિના મારને કારણે તેણે ઘર છોડવું પડ્યું. વાસ્તવમાં શું થયું તે જાણવા માટે પોલીસ આ મામલે તપાસ કરી રહી છે. આગ્રામાં જ આ વર્ષે ફેબ્રુઆરીમાં અન્ય એક કપલે છૂટાછેડા માટે અરજી કરી હતી. કારણ હતું પત્નીનો રાજકારણમાં રસ.
વાસ્તવમાં, પત્ની એટલી ફેમસ થઈ ગઈ હતી કે તેના પતિને આ વાત પસંદ ન હતી, જ્યારે મામલો પોલીસ સુધી પહોંચ્યો ત્યારે પતિએ કહ્યું કે તેની પત્ની ઘણા અજાણ્યા લોકોને મળે તે તેને પસંદ નથી. આ કારણોસર તેણે છૂટાછેડા માટે અરજી કરી હતી. આ યુગલના લગ્નને બે વર્ષ થયા હતા. પતિ સિકંદરાનો રહેવાસી હતો અને પત્ની ન્યૂ આગ્રાની રહેવાસી હતી. કેસના છેલ્લા અપડેટ મુજબ, પત્ની રાજકારણમાં કારકિર્દી બનાવવા માંગતી હતી અને તેને છોડવા તૈયાર નહોતી. બીજી તરફ, જો પત્ની રાજનીતિ નહીં છોડે તો પતિ તેને પાછો બોલાવશે નહીં તેવી સ્પષ્ટતા હતી.
Load more
